انتهى المخيم للاسف 
صحيت امس الصباح و انا بجد متضايقة,, حرام مخيم زي هذا ما يستمر سوى اسبوع واحد فقط..
فعلا كان اسبوع لكني حسيت الاسبوع هذا كان حق شهر .. الاوقات الي نقضيها هناك كانت طويلة و “مفيدة” بكل ما تحمله الكلمة من معنى..
و كان يوم الخميس فيه حفل ختامي للمخيم.. حضره الاميرة سلطانة السديري الي سلمتنا شهاداتنا.. و الي ايضا افتتحت معرض المخيم..
و بالمناسبة، المعرض مفتوح اليوم للعائلات .. و غدا “يوم الاحد” مفتوح للرجال صباحا “كما سمعت” (تحديث: المعرض انتهى يوم السبت، و كانت الاشاعات الي طلعت عن يوم الاحد غير صحيحة). كانت ورشتنا “الرسم التعبيري” رائعة، لكن ما لقينا وقت كافي عشان نقضيه على لوحاتنا
و مع ذلك انهينا اغلب لوحاتنا .. و كانت لوحتي الثانية منذ دخول المعرض :love: .. حسيت بالفخر اني انهيت لوحة بيومين فقط، خصوصا اني ابعدت عن الرسم بالالوان و الاوراق من اول ما عرفت الرسم الرقمي.
الصورة مو موضحة الالوان او التفاصيل لانها من كام الجوال .. و ان شاء الله بتكون فيه صورة اوضح اول ما استلم اللوحة.. يعني لا تحكمون عليها الحين 
اكتشفت عدة اشياء في الورشة، اولها اني سيئة لابعد الحدود في الرسم بالقلم لكني ممتازة جدا في الدمج.. الثاني ان الرسم الرقمي اسهل و امتع بكثير من الرسم العادي 
:
رح اتكلم عن ورشتي شوي، لانها كانت الاسوأ على الاطلاق.. مع احترامي الكامل لمدربتنا، الا انها كانت “الاسوأ”.. مكان الورشة كان كارثة بالنسبة لنا.. كان مكان الورشة في غرفة بيضاء باردة جدا، علاوة على انها كانت مجرد “ممر” و حد فاصل بين المستودعات و بين البهو الرئيسي للمركز.. و في آخر يوم غيروا مكاننا و خلونا بدون غرفة! بينما كانت بعض الورش الي اعتبرها اقل اهمية مثل “تشكيل العجائن” تتمتع بأفضل الغرف في المركز.. mg:
اشراف مدربتنا علينا لم يكن بالدرجة المطلوبة .. و الدليل انها تمر على طاولتنا و تشوف رسومات البنات و تترك البعض :S .. اما عني؟ فهي ما التفتت لي ابد الا لمن اناديها!!!
عموما، المخيم كان ناجح بنسبة 95% .. و بجد رح نفقده
هنيئا لكم يا وزارة الثقافة و الاعلام.
من جد من جد أيام تجنن
استمتعنا مع اميمة الخميس كانت تدريباتنا عملية ونظريه شي روعه, حسيتها ورشة نفسيه وتأمل ذاتي اكثر من كونه مجرد كتابه مبدعه
وياحرام انتم ورشتكم ما اخذت حقها
على عكسنا تماماً بورشة الكتابه الإبداعيه
اهم شي التجربه الجميله المثريه
حلو ما شاء الله :736: ..
ماشاء الله تبارك الله حلوه الرسمه
حظكم اهل جده عندكم مخيمات حلوه
x: ماعندنا شيء في الرياض :S
ماشاء الله ولله اللوحه روعة ساره!
تقرير جذاب وان شاء الله تتكرر هالورش بشكل مكثف خلال العام وليس فقط في الصيف.. تمنيت أكون معاكم
@Mrs.Nora لا تقارنين اميمة بوحدة زي حقتنا
@A.D ههههه لا المخيم هذا في الرياض مو جدة :yeah:
@Ghada سمعت ان رمضان رح يسوون اشياء مثل كذا ,, بس مدري عن صحة الخبر..
ماشاء الله .. رسم وألوان وابداع ..
ننتظر الصورة بشكل أوضح
ايش الابداع هذا ياعسل
انا كنت احدى المشاركات بورشة تصميم الأزياء
بصراحه اعجبتني لوحتك جدا ماشاء الله وصورتها عندي للذكرى
تمنيت اني تعرفت عليك بالمخيم لكن للاسف ايامه كانت قليله وحافلة بنفس الوقت بالنسبه لي
اعتبر نفسي محظوظه جدا لانضمامي للمخيم
في الرياض !!
غريبة ما سمعت عنه ..
وإلا أنا نايمة في العسل هع
ربي يجعل ايامكم كلها إبداعات ..
الحمد لله يا سووس اهم شي استانستوو والله =)
بعدين تعاالي الرسمه تهبل ماشاء الله تبارك الله بجوال كام والا بدونهاا مررره رووعه والله وبدوون مباالغه!! ماشاء الله خطييييره
–
< وما اقول كذا عشاني ابجي الصيف الجاي باذن الله 
يارب السنه الجايه بالصيف يفتحوون الورشه شهر كامل
@NoOorA ههههه الدنيا صغيرة .. لاني كنت اسأل وحدة معاكم في الورشة عن بنت اسمها نورة و هي كانت تتكلم لي عنك :yeah: بعد فترة قالت لي عمرك و انهبلت قلت لا الي اعرفها اصغر
@مُنيرة غريبة! كثير ناس ما سمعوا فيه رغم انهم مسوين اعلانات حتى في الاسواق!
@Broken Wing ههههههه يا عمري انتي .. الله يسمع منك يا رب :736:
مره حلو و كويس أنكم أستفدتوا و أنبسطتوا بس من كلامك حسيت أن المخيم يحتاج أكثر من أسبوع.. يعني كتابة إبداعية و رسم مواضيع تحتاج تركيز أكثر ووقت أطول..
إن شاء الله تتاح لكم فرصة ثانية..
تحياتي..
مرحبا بنات انا شاركت قي المخيم وكانت تجربه حلووووه اتمنى تنعاد
بالنسبه للي تقول ان فيه زيها في رمضان هذا خاص لمدربة تصميم الازياء في الاسبوع الثاني من رمضان دوره في الرسم التكنيكي للازياء في معهد مقابل اليورمارشيه وبصراحه مثل هيك دورات مفيدة بالمره ان شاء الله بسجل فيها الله يسهل
تحياتي لكم
كنت سأنضم إليه ولكن لم أفهم استراتيجة التسجيل ,لم تكن واضحة بصراحة …
هل تعرفن مراكز لتعليم الرسم في الرياض ؟
شكراً جزيلاً ..